出發前

2010年3月15日至21日(星期一至星期七)，係我溍溍o既第二次日本之旅，今次的目的地係東京。有人問，點解係去得咁密(09年11月才去過名古屋)，但我點知o者！以下落黎交比我個代言人為我解答呢個問題喇！

代言人：「咳~ 咳~ 查實呢，都無諗過咁快又去o既！不過媽媽3月中放假，係2月中某天，計落倒數都係得3個禮拜前度，突然有人話"不如去旅行囉！"另外，又諗住呢，溍溍返幼稚園後又唔好隨便請假喎，於是呢......咪就係咁囉！」

溍：「唔該哂！」咁繼續講下出發前的故事先！今次選擇東京作為目的地，除了因為3-4個月前先去過名古屋，雖然時間推移到2010年的話，正是名古屋400年祭，但又無理由再去得咁密架！然後又想了北海道，看雪的季節，但天氣冷，似乎唔太適合兩個團友都係條氣唔多好o既去。咁剩返東京、大阪、沖繩，但一係無機位，一係無興趣，最終還是選了最方便、最便宜(相對其他航點)、最多航班的東京。

日子方面，媽媽15號開始放假，溍溍係19號有跳舞表演班和234月生日會，爸爸星期六當一天假......於是諗過不如媽媽找人調更期，早一或兩日出發(星期六或日)，然後趕在星期四回來；但去得果4-5日，又好似唔多夠喉咁；點知理想還理想，最後還是要遷就機位出發，即係15號才有機位，而回程的日子，又撞正日本春分之日假期，回程機位緊張，但勉強之餘，還是book到了21日(星期日)黃昏的班機回港，即是星期一出發，星期日回程，可以去足一星期。

行程方面，在短短3星期裡，梗係執返d現成資料啦！去年為籌備第一次日本之旅的《 こどもとあそぼ！09-10' 首都圏版》成為主要資料來源，當然還有專人的網上搜尋喇！帶得溍溍去呢，當然以小朋友行程為主，動物園、公園、童裝百貨、摘士多啤梨、看梅花，還有牧場(可惜最後3樣都沒去到)。

住宿方面，東橫Inn國際會員的爸爸，就梗係東橫Inn係首選喇！仲要如湊夠數，剛好得到一晚免費單人房，補上差價就可以住上雙人房了。不過，亦考慮過找一天住Cottage，一係Mother Farm的Cottage (http://www.motherfarm.co.jp/stay/cotage.html#newzealand)，又或是相模湖Paddington Bear Campground的Drive House (http://www.paddington-bear.com/p/sisetsu.html)，諗住特色d，夜晚如天氣好又可以看星星，事關上次在滋賀縣的農場因為太冷而沒有出去看星星啊(雖然那天的天色也不太好)！

資料搜集過，連住宿申請表都經email向Mother Farm拿了，不過因確定不了一定會去Mother Farm (http://www.motherfarm.co.jp/、因為從東京去也很舟車勞頓，車費也不便宜啊！)和相模湖玩剛好是最後一個週末舉行的冬期限定相模湖Illumination (http://www.sagamiko-resort.jp/illumillion/index.html)，最終還是兩者都放棄了！

好了，萬事俱備行得喇！查實機票11號才確定，兌換日元都還是同日完成，相距出發日只剩幾天而已。所以要特別鳴謝A Plus Travel (http://www.aplus-travel.com/)的Queenie又再一次在極短時間內為次次很遲才買機票的爸爸解決難題。

由於溍溍今次出發已經2歲3個多月，機票貴了很多(不是連酒店的套票)，票價連稅項等要$2,790.00 ，大人就每位 $3,580 。機票在手，passport在手，奶粉和片片在手，出發囉！~~