之後，前行不遠是水池，有人學著兩個早已倚在欄杆旁的哥哥仔排排企，期間仲拎過頭去好像跟人一起說話似的，咦，溍溍幾時識得日文架？再之後去到野口醫生銅像前，那裡正有一對情侶在野餐，溍溍走埋去嘰哩咕嚕，唔知講咩，真係打攪哂！最後係公園的流動車買了軟雪榚吃，邊吃邊回程東橫Inn，時間剛剛好，是預定的下午2時。
在大堂取回行李，再吃藥就出發回家去。較早前在上野的京成上野站本打算買定車票，不過想到恐防時間有差遲，不如即場才買票。當時，思海之中，還是從鶯谷到上野，然後就在京成上野上車到成田空港，不過，到提著重甸甸的行李後，叮！點解唔坐去日暮里直轉京成Skyliner呢？回到山手線鶯谷站，乘一站車到日暮里(@130yen)，就在那裡便可輕易的乘電梯來回直結的大堂，在京成買票付上剛才買的車票，再付上@1920yen，Skyliner 31號車票入手了！之不過，列車狂1525時才開，在很大風的月台上也等了好一會兒，仲有人吃過枝奶先夠鐘，51分鐘後便踏足成田空港Terminal 2了！ 之但係Skyliner座位都幾窄(以前都唔覺)，而家2座位3人坐，好逼啊！
根據之前搜集的情報，應是是到Q counter check in的，點知途中戇居居之際，有日航的職員叫我們去M counter，原來那是JAL Support Counter，是服務傷殘、孕婦、小童及嬰兒而設，Checkin Counter旁還有個小小corner有玩具給了小朋友玩，相比起剛才未到Q那邊已見長長人龍，今次帶個小朋友仲方便左。回程行李共39.7kg，比來程增長12.3kg。完成Checkin，轉到樓上掃吃的手信(之前只在鐵道博物館買了一些)，今趟盡大部份帶回來送人家吃的手信，真的很多都是在機場(入閘前後的商店)買的，計落過萬yen。但發現有一點很有趣的，就係好多間賣吃的商店，都在門前賣某牌子奶粉，咁似祖國同胞係香港臨出境都要掃奶粉返鄉下咁。在遙遠的96號閘(真的覺得很遠)，地方淺窄，人又多，機位似乎很爆，登機人龍排到隔離已經又是很多人的美國機閘口，好在行李已寄倉，但推住架BB車都無咩路行。今程坐59HJK，查實出發前只mark到52JK位，另一個彈到很遠很遠才有個吉位，今次mark成一行，都係2日前爸爸上網再執先執到，一家人一齊坐先好架嘛！呢d航行公司應該比d priority啦，唔係下下都話等上機同人問下可唔可以調位，去玩都要人擔心住，點得架！
1820登機，仲好快飛機就開動了，不過.......動了半個鐘都仲係地下動！看機上的廣播，應是跟昨天在錦糸町看千葉線已感受得到的強風影響，今天在成田和羽田空港有過百班機取消或延遲添！在夜空中睇住飛機一架架排隊，大約1855終於起飛喇！機上顯幕仲有機頭監察鏡頭影像影哂成個起飛過程添！
在機上，有人開頭都幾乖架，食下糖，睇下機上娛樂，仲有玩iphone，然後到飛機餐時間，空姐很有心機，在那杯給了小朋友的橙汁上畫了個麵包超人，而比較之下，兒童餐好像比大人餐還好味的。玩過食過，有人都查實唔係好肯訓，卒之都扭左陣計先訓，一覺醒來，已3腳著地(飛機果三隻)，已經是香港時間晚上2238了。
在登機口取回BB車，將臨尾在入閘後掃的一袋二袋手信掛上去，輕輕鬆鬆的行一大餐才能到取行李處，之後乘的士回家，再踏足家門已是0015，第二天了！ 
大功告成！恭喜！:)
回覆刪除意粉姨，咪咁心急先架，仲有微小小後記架！
回覆刪除燉你（無爛尾）開心嘛 ~~ 哈哈 ~~~
回覆刪除雖然係事關，但唔好咁大聲爆響口喇！O珠~~~
回覆刪除